بقلم/صبري محمد علي (العيكورة)
بالأمس كتبنا عن قُرب جلسة الطعون لما تبقى من دفعة (٢٠٢٠) ضد الداخلية لتنفيذ الأحكام و قلنا إنها ستنعقد يوم الخميس القادم الثاني عشر من مارس الجاري وطالبنا معالي الوزير شخصياً أن يُنفِّذ الأحكام و (يُريِّح راسو)
وقلنا كفاية مهانة للداخلية بإمتناعها عن تنفيذ الأحكام
وجرجرة المحاكم
لكن تعال شوف (الزنقة وين)!
مفصولي (٢٠٢١) وعدد الطاعنين منهم (١١٦) ضابطاً تتراوح رتبهم بين رتبة اللواء والعقيد و بينهم مقدم واحد أيضاً لهم جلسة يوم (١٥) من مارس الجاري لتنفيذ القرار رقم (٤٨) !
الله الله الله
(طيِّب) يا معالي الوزير
(بدل مااا) تقعد تستقبل في لواري الفاتحة الطالعة ونازلة دي ياخ ما تنفذ الأحكام وتطلع من الجرجرة دي !
الجابرك شنو ؟
وياخ لسه ….
(سمع أضاني) ناس (٢٠٢٢) و (٢٠٢٣) جايينك !
ومافي زول بخلي حقو
فياخي (بدل ما) يشيلوك (وش القباحة)
أمشي أقعد مع (عمنا) وأحكي ليهو الحاصل وإذا كان (الدُقار) من جبريل قُول ليهو
وإذا خلل إداري داخل إدارتك (عالجو) ياخي
لكن ما معقول ياسعادتك كل أسبوع لوري مسّف رجال و حريم
ماشين وين ياجماعة؟
والله ماشين وزارة الداخلية
خير إنشاء الله
والله شاكيين الداخلية !
ده كلام ده!
جمعة مباركة
إرسال تعليق