بقلم/ د. رناد أبو كشوة
مدير مركز ابو كشوة لتطوير الزراعة
يا مزارعنا، عارف إنك ممكن تحمي أرضك من الحشرات والآفات بمادة طبيعية، رخيصة، وموجودة قدام بيتك أو في طرف حواشتك؟
اليوم دايرين نتكلم عن “زيت النيم”.. السر البيستخدموهو كبار المستثمرين والشركات العالمية عشان يحصلوا على محصول “نضيف” وصحي.
ليه لازم تعرف زيت النيم؟
✅ طارد طبيعي: بيطرد أكتر من 200 نوع من الحشرات (زي الذبابة البيضاء وصانعات الأنفاق) من غير ما يقتل الحشرات النافعة (زي النحل).
✅ آمن جداً: ممكن ترشه وتحصد بعد فترة قصيرة، عكس المبيدات الكيماوية القوية.
✅ وقاية وعلاج: بيخنق بيض الحشرات وبيمنعها تتكاثر في نباتك.
لكن الانتباه هنا ضروري:
الزراعة “فهم”.. زيت النيم ما بنرش عشوائياً. استخدامه في وقت الحرارة العالية ممكن يحرق الورق، والجرعة لازم تكون موزونة بالملي عشان تديك النتيجة المطلوبة.
في أبو كشوة، هدفنا المزارع السوداني يكون “مزارع ذكي” بيعرف يستغل الموارد المتاحة عشان يقلل تكلفة الإنتاج ويزيد الأرباح.
دايرين نعرف.. منو فيكم سمع بالزيت ده قبل كدا؟ أو جرب يستخدمه؟
ويا ريت كل زول يكتب لينا هو هسي زارع شنو؟ .. طماطم
، بامية، خيار، شطة ، بطيخ
اكتب محصولك، وحأقول ليك زيت النيم ممكن يفيدك فيهو كيف وفي أي توقيت! ..
لو عايزين تعرفوا طريقة الاستعمال اكتبو لينا تحت
#أبو_كشوة #مستقبل_الزراعة #زيت_النيم #نصيحة_زراعية #السودان
اول مرة اسمع عن زيت النيم وفائدته للمحاصيل الزراعي وأرجو يا د. رناد تعرفيني بطريقة الاستعمال – وشكرا لك
تم توصيل رسالتك للدكتورة رناد..شكرا