ماعلينا || عبد الرفيع مصطفى
صحافيو وصحفيات الامر الواقع.. يكاكو عندنا في السودان ويبيضو في مصر او تركيا…
.. لو بتعرف منهم واحد/ة اعمل رايح.. القانون بقى فيهو اعدام..
.. لو داير تعرف مدة مكاكاةو تبيض الجدادة.. ركز مع اخبار من شاكلة (تطأ) اقدامي الخرطوم و.. احرص دايما عند عودتي للخرطوم على مقابلة….
.. و.. قونة سالوها علاقتك بالفن شنو؟
.. قالت عندي أخو صاحبة صاحبتي عقيد في (الجيش)…. الامريكي..
وسالوها عن امنيتك.. قالت:
16 عقيد في الجيش الامريكي عليهم واحد مدني..كفاية..
.. اى بهضرب.. اذا كان 3 بصلات باربعة الف وفيهن واحدة معفنة..
اى بهضرب.. واذا صحافة وصحافيو الامر الواقع حارسين بوابات المسئؤلين..
.. وواحدين يدخلوا تووش.. و..
.. وواحد مستشار.. يفترض يشاورنا في سياسة بسمارك الخارجية.. عشان هو شغال مستشار مع بسمارك.. طالع لينا كل مرة يحدثنا عن سياسة هولاكو.. ياخي نحن مالنا ومال الصبر الاستراتيجي.. ونحن شغالين بي (عز الجمر) او حر الجمر.. وبمناسبة الجمر دي رايك شنو في العكو.. يا مستشار؟
.. وبس خلاص… و…
# ما علينا.. @






إرسال تعليق