بقلم/ الدكتورة تماضر الحسن
“اختصاصي الأمراض النفسية والعصبية”
احنا فعلا عندنا مشكلة حقيقية في تعريف المهنية والاحترافية
professionalism
والسلوك العادي للفرد في تعامله خارج وظيفته مع احبابه واصحابه
الزول المحترف ايا كانت وظيفته في حاجات بتمليها عليها الوظيفة دي ودا لا يغني انو متعالي ولا مترفع ولا متكبر اذا ذكر انو مامسموح ليه بحكم وظيفته انو يعمل الحاجة الفلانية او انه مفروض يعمل الحاجة الفلانية
كونه شعبك او ناسك هم بفتكروا انو تصرف بعينه بدل علي تواضعك وانك ظريف ولطيف بالرغم من وظيفتك … دا شيء انت بتسعى ليه كمحترف او مهني دا بوري انك ما بتعرف فعلا حدودك وماعندك القدرة انو توري متطلبات وظيفتك …
مرات بجيني احساس انو بلدنا دا ما بلد حقيقي
زي بلد هظار هظار كدة
اي شيء عندنا يحير ويمحن والله
يمحن لدرجة ممكن تشكك في البتشوفه قدامك وتتخيل انو انت (ماسك ضنب ككو) من شدة الحدث القدامك مستحيل يتصدق
اذا به البحصل دا حقيقي وجد جدا…
احنا المسؤولين عننا في بلادنا بعرفونا من وسايل التواصل الاجتماعي وبردوا علينا بيها وبصنفونا علي اساسها من شدة ماهم قاعدين معانا هنا وما شايفين شغلهم …
اسي زي الخطاب التحت دا من وزارة الصحة ادارة الامتياز دا حيرني. .. بعد التصريح الخطير بانه الاطباء بوروا العدو قاعد وين وفي اي حتة .. االحلوين ديل طلعوا خطاب للاطباء ومعاه (بوسة)
اي والله بوسة كدة في النص .. اظنها نظام ترضية وكدة
اها
كله زي دا
الله كريم
حقنا نلقاه قدام
تماضر
تمر الرضا
إرسال تعليق