الإختشوا ماتوا..
بقلم /أمينة الفضل
عاد النور القبة من الدعم السريع بعد قتل ونهب وسلب وبعد حصار ناس الفاشر وجوعهم وقتلهم في إبادة جماعية لم يرى العالم لها مثيل إلا بما فعله التتار بالمسلمين، وكمان اهدوه عربة رئاسية. الناس سكتت على مضض قلنا تقديرات القيادة والراجل جاي مستسلم وتائب، نتفاجأ بمطالبته باسترداد عقاراته المتعددة يعني ما عقار واحد وفعلا تم استرداد الفيلا بتاعته بكافوري ،في بادرة تؤكد قوة العين، فوتناها وبلعناها، لكن يدخل الفيلا ويلقى اثاثها مسروق فيتفاجأ بصورة محيرة ويركب عربية البرهان الهدية الرئاسية ويمشي يفتح بلاغ ويتهم شفشافة الدعم السريع أخوان الأمس أعداء اليوم بأنهم وراء سرقة الأثاث الغالي الجاي من عرق التعابى ويطالب بالتعويض نعم زي ما قريتوها كدا التعويض. طيب والشعب المسكين الما لاقي بيوته زاتها عشان يسكن فيها نصها تدمر والباقي اتسرق واتعفش البعوضه منو البربت على كتفو منو البواسيه منو؟!. بالجد غلبني التعليق والكلام لأن الاختشوا ماتوا وديل لا خشى لا حياء. ياخ اختشي الناس في شنو وانت في شنو مفروض تتبرع بعقاراتك دي فداء للوطن الانت كنت شريك في دماره. حسبي الله ونعم الوكيل.
#فتكم_بعافية
#أمينة_بت_الفضل
إرسال تعليق