يا دمعي اللَشَّتت وغلب اللَقَّاط

بقلم / الطيب الصاوي أبو عمر

“محام- باحث في التراث الشعبي”

: باعمق معاني الشجن والحنين الجارف للوطن رابطين بين قسوة البعد عن الاهل والتراب وبين ارثهم الثقافي العريق حيث مثلت الغربة في شعرهم نار تكتوي بها النفوس ولكنها تزيد تعلقا بالديار وقد مثلت هجرت

ةعصافير الخريف والتي غناها الفنان محمد وردي والتي جسدت لوعة السفر وتكلفة الغربة الباهظة من زهرة الشباب وابلغ وصف صوره الشاعر إسحاق الحلنقي وقد اكتوى بنار الغربة : فت بلادك وانت شباب وجيت الليله وينو صباك وكل الناس بقت تسأل تقول يا ربي وين شايفاك تشبه فيك بالساعات تحاول تطرى ما تطراك رجعت وحولك الاحلام لدنيا جميله سايقه خطاك وقايل الناس ترحب بيك وبالاحضان بتتلقاك لقيت الدنيا ما دنياك ورحلت ناس عزيزة وراك لا ضقت الهنا في بلدك ولا في الغربة تم مناك الغربة ان شاء الله تعقري والغريب مهما طال غيابو مصيرو يرجع لاهلو وصحابو ينسى الامو وشجونو ينسى حرمانو وعذابو واهلنا قالوا الغربة كربه والخلى دارو قل مقدار وقالوا بلدا ما بلدك ارنبه تأكل ولدك وقالوا م ن الاساطير والاحاجي القمرية قالت وطني ولا ملي بطني و الشاعر احمد شوقي قال وطني ولو شغلت بالخلد عنه نازعتي اليه في الخلد نفسي لا شئ يضاهي عظمة الوطن في ظل الحرية والعدالة والسلام والشاعر قال ابيت في غربة لا النفس راضية بها ولا الملتقى من شيعتي كسب الشاعر خليل مطران اصيب بعلة جسدية وأخرى قلبية فنصحه أصدقائه بأن يذهب لضاحية المكث بالإسكندرية لعله يشفى بطيب هوائها وعليل نسيمها فاصبحت الغربة داء ثالث فانشد يقول اني اقمت على التعلة بالمنى في غربة قالوا تكون دوائي ان يشفي هذا الجسم طيب هوائها ايلطف النيران طيب هوائي عبث طوافي في البلاد وعلة في علة منفاي لا استشفائي متفرد بصبابتي متفرد بكأبتي متفرد بعنائي شاك الى البحر اضطراب خواطري فيجيبني برياحه الهوجاء ساوي على صخر أصم وليت لي قلبا كهذي الصخرة الصاء ينتابها موج كموج مكارهي ويفتها كالسقم في اعضائي الغربة وحشة اهل واصدقاء وخلان وحرمان وانا قلت ليل الغربة طويل وضاع الهدف لا وصلنا للأمل المنشود ولا طريق الرجعة اتعرف جينا من بلدا نيلو جاري ومطرو ساري لا فيو جفاف لا فيو صحاري لكن سبب غربتنا ظرف طاري ناس بتلعب ولخيراتنا تنهب ذهب يصدر لا تنمية ظاهرة ولا في حياتنا اثر وشعب مخدر وبعد غربة عمر وسنين وانت في عمر تحتاج ان تستقر في وطنك وتموت محتضن تراب وطنك تأتي هذه الحرب العبثية اللعينة التي قضت على الأخضر واليابس واقعدت السودان واعادته إلى العصر الحجري اخذت معها حصاد الغربة وسنين الشقاء وانا قلت داير الرجوع للديرة ارتاح من سموم وهجيرا يا حليل العشير والجيرة وخدرت جروفنا ونيلا لكن هذه الحرب قضت على امال المعمرين من المغتربين في العودة حتى تحتضن ارض الوطن اجسادهم كم من عزيز رحل في غيابنا من الشيب كمان وشبابنا من يوم الحزن ما نابنا نبكي ويا حليل أصحابنا خلاص نويت انا راجع لخدرت جروف ومزارع والله للظروف بنصارع لكن القدم ليه رافع واهلنا قالوا القدم ليه رافع ارجوك يا مرسال بلغ لي سلامي لي بدر التمام ارجوك يا مرسال مر عليه واحكي ليه قول لي محبوبك الغربة طالت عليهو ارجوك يا مرسال مر بي حي الجنائن تلقى الوز بهناك عائم سلم لي عليهو وعلى سرب الحمائم ارجوك يا مرسال تعال يا زاجل شيل ليهو مني خطاب وديهو للمحبوب بكل زوق واداب بلغها اشواقنا بي سلام ترحاب لو عشنا نتقابل والزمن دولاب الغربة تهيج الاشجان طال على الشوق انا لي ناسي قوق قماري الشوق غير احساسي يا قماري الشوق نوحي ما تقوقي صبي جمر البين والفراق فوقي انا الولهان لناسي طال شوقي اذرف الدمعات قلبي محروقي الفراق حار والغربة مدرسة والحنين والشوق للبلد ينحل الجسم يا دمعة ليه ذارفة الفراق مكتوب عليهو بس نصبر والله صبر ايواب جار بينا الزمان بي فرقة الاحباب في بلدا بعيدة بقينا فيها اغراب يا ما فيك تعبنا وضقنا فيك عذاب الدنيا خربانة ما بتدوم لأصحاب الغربة بكاء ونحيب لأرض الوطن يا دمعي الاتشتت يا دمعي الغلب اللقاط والى ان القاكم في نافذة جديدة من عذاب الغربة ان كان في العمر بقية اترككم في رعاية الله وحفظه