مدني حبيبة
للشاعر/طارق خضر رحمة (السعودية – الإحساء)
كيف ما نحبك!
و إنتي الحُب العاش جُوّانا
مدني حبيبة
في أنفاسنا و في نجوانا
كيف ما نحبِّك !
وإنتي الرابط لي وجدّانا
الله بيعلم ….
إنتي بريدك
وإنتي الدم الفي شِريانّا
مدني ….
مدني الروح الحلوة
وغرة مدني
الليلة عزيزة و حُرّة
لو بالروح نفديك نحميك وأصلو عشانك ما بنتخلا
سمِح إنسانك
و منظر سحرك
في بُستانك
إلهام فنِّك
في فنانك
وأصلوا عشانك
نرفع شانك
بنحبك ….
بنحب السِحر الفي وجدانك لو بالروح ….
نفديك يا غاليه
كُل أرواحنا
رخيصه عشانك
ما بنتعالي
عليك حاشاكي
إنتي حبيبة و أُم أجيالنا
ونحن حداكِي
ما بنتكبر أصلا جمبك
وكُلّنا نرخص
طوع بنانك
إرسال تعليق