واحة الشعر||
شِعر الصحافية داليا الياس
تعال حدد مصير للريد….
وحاول وفق الأوضاع…
خلاص البينا أضحى رماد….
وكل الماضي ولى وضاع…
ضروري نرشح النسيان….
نصوت ليهو بالإجماع…
زمان انا كنت قايلك نيل…
أتاريك ياخ سراب خداع…
ولابتفهم معاني الشوق…
ولا إحساس قلب ملتاع..
زمان ريدتنا كانت كووون….
وصبحت هسه سقط متاع..
أنا القايلاك مخصص لي…
أتاريك كنتا ديمه مشاع…
تعال… اديني خاطري وفوت…
خبر فرقتنا عمَّ وذاع..
بحِلك من عهود الزيف…
بقول ليك: (يلا ، ألف وداع)…
د(اليا)س
إرسال تعليق