بقلم/ د. تماضر الحسن
بحضر في ريلز لست مصرية بتعمل في (قيمة) وهي اللحمة المفرومة مع البطاطس والجزر وممكن البسلة الخضراء … وقالت انه في سودانية علمتها ليها وانها لقت انو الاكلة دي اقتصادية وبتاكل ناس كتار وبتتعمل في سندويشات وفعلا الحاجة شكلها حلو وجميل جدا
لا مستحيل …
اها شعب الله المختار يخليها في حالها
اتوها رجالا وعلي كل ضامر ومن كل فج عميق
رجال ونسوان
دي مااشهر اكلة في السودان
احنا دا مااكلنا ولا بنعملها كدة
اسي البصل دا عاملاه كدة ليه
خاتة ليك فتفات لحم احنا بنخت كيلو لحمة مفرومة
وكمية من التعليقات .. انا كزول بشتغل في صحة الناس النفسية والله غلبني القى ليها تفسير ولا سبب
دي ثقالة يعني
ولا محاولة تخفيف دم فاشلة واحنا فعلا ما بنعرف ننكت
جنوح الناس لتبويخ اي شيء
ولا غلاط مع عباطة لموضوع ما بستحق الغلاط
بندي فكرة عجيبة عن نفسنا .. جرب اكتب عن اي شعب ولا حتى بتشوفهم ولا بجوك ولا بشتغلوا بيك… احنا كاننا بس حارسين زول يجيب سيرتنا بالسمح ولا بالشين وجاهزين جدا …
غالبنا النسوي ذاته والله … اسي في زول عندو حيل لمناهدة زي دي مع الدنيا البقت صعبة ومحتاجة معافرة !!!!!
تماضر
تمر الرضا
إرسال تعليق