أطلق القائد العام للجيش السوداني الفريق أول عبد الفتاح البرهان تحذيرا حاد اللهجة للقيادي بتنظيم الحركة الإسلامية الناجي عبد الله الشهير بأمير المجاهدين ومجموعة المسلحة، من استغلال مساحة الحريات والتحدث باسم القوات المسلحة بما يسيء للبلاد، مستعرضا أفضال ومآثر دول الخليج على السودان.
وقال البرهان الذي ظهر من خلال مقطع فيديو اطلع عليه موقع 5ws- news لن نجاملك مهما بقيت ومهما تطاولت وفعلت، سيُمحى كل ما فعلته وتذهب الى مكانك الطبيعي الذي ستكون فيه.
وأضاف البرهان، رسالتنا واضحة للناس البهرجوا ديل الظهروا امس، في إشارة إلى الناجي عبدالله ومجموعته : لن نسمح لأي مجموعة ان تتحدث باسم القوات المسلحة او الدولة في أمور ليست من شانها، وكل زول يفتح عينو كويس ، والمابفتح عينو نحنا بنغمضها ليهو بالواضح وصريح العبارة نحنا لا نرضى ان تستغل مساحة حرية او احتفالية تستثمر ضد السودان وشعبو..
واضاف المجموعة الظهرت امس دي حنقيف كلنا ضدها وضد كل زول يساندها ويقف معها ونقف ضد كل زول يشجع على العدوان في اي بقعة في العالم.
إرسال تعليق