بالدارجي || نشوى أحمد الطيب
شخصية طارحة نفسها مؤثرة طارحة مبادرة مجتمعية لدعم الشباب في التدريب و بعض البرامج المجتمعية ، لقيت ليها منشور بتتكلم عن العودة الطوعية و كيفية نقل ثقافة الخارج للداخل السوداني فيما يخدم التطور و عجبني فهمها ، رسلت ليها قلت ليها انا شغالة على تقرير و منشورك فيه جوانب كتيرة مرتبطة بالتقرير بتاعي عاوزة منك افادة ، بعد ردت السلام قالت لي و بعد انا اتكلم ليكِ و اديكِ الافادة صحيفتك في المقابل بتدفع لي كم؟ ، و هنا كانت الصدمة لمن اعملت اضحكني على الرسالة كتبت لي مقال طويل عريض خلاصته انه عندها شهادات تدريب من منظمات دولية كبيرة جدا ، رديت ليها ماشاء الله بالتوفيق ، قالت لي بجملة سخيفة كده إنتي دارسة شنو ، قلت ليها (مدرسة الحياة) عزيزتي و اديتها زيادة قلت ليها اها انا بعد انقل خبرتك الدولية دي للمجتمع و اعرفهم بيكي حتدفعي للصحيفة كم ؟ ، عملت اضحكني على الرسالة و حذفت رسالتها القالت فيها الصحيفة حتدفع ليها كم ،،الخلاصة الزولة دي لو فكرت تصنع بي محتوى انا كتبت المنشور ده عشان أقول ليها أنا كنت فاتحة تسجيل شاشة عدييييل من بديت أتكلم معاها و شفت ردودها الغريبة دي
“تقلية رمضان الأبت تظبط معاي دي لا عرفت المشكلة مني و لا من الويكة الأديتها أكبر من حجمها و خربت الحلة “
إرسال تعليق