بقلم / د. رناد ابوكشوة
(مدير مركز قلامور الزراعي)
كما قلنا عشان يبقى السودان سلة غذاء العالم لازم يحصل اكتفاء ذاتي في البيوت و حتى بلكونات الشقق كمان.. الشقق يا دكتورة!؟.. معقول!!!
ايوة في البلكونة ممكن تنتج خضرواتك الأساسية من طماطم ل اسود ل فراولة ل شطة فلفلية…. الخ الخ.
عن طريق الزراعة في الاصايص و الجرادل و البراميل …
هنا بجي دور التوعية الزراعية و الدورات الزراعية المنزلية.. عشان تبسط للمواطن الموضوع
و دعماً مني للمواطن السوداني و الإنتاج السوداني و تخفيفا على المواطن انا أعلنت الاسبوع الفات عن دورة زراعة منزلية مجانية ل ٢٠ شخص و توزيع ٥٠٠ شتلة خضروات و فواكه مجانية ل ٥٠٠ شخص
.
بالنسبة للدورة الزراعية ح يكون مدتها ١٠ ساعات تنقسم على يومين حتتعلم فيها كل م تحتاج معرفته عن الزراعة المنزلية و رعاية زراعتك بطريقة مبسطة و سهلة بتلقو رابط التسجيل في صفحتي الخاصة
انا عندي قناعة الزراعة دي لما بدت ما بدت من جامعة ولا قروها ل زول الزراعة دي فطرة انسانية.. عشان كدا هي م صعبة بس في أساسيات كان اتعلمتها امورك بتكون تمام
وزي ما قلنا و حنقول دايما الحل ما في الحكومة ولا في
الدعم الدولي، الحل فينا نحنا كأفراد سودانين.. السودان حينهض بينا نحنا.. نحنا و بس
د. رناد ابوكشوة
إرسال تعليق