بقلم /عائشة الماجدي
◾️خطاب قائد الملي’شيا اليوم خطاب زول مغلوب والغٌلب حار صراحة عجبت لأمره وهو يردد غيرو اللعبة المعـ ـركة يوميا بتتجدد وقال انتصرنا نهار وليل طيب حميرتي لو انت كل يوم لعبتك بتتجدد وكل يوم منتصر امال وين الناس ووين المدن ووين الشوارع الرجعت ووين الاقاليم وحكمة الله قلتو عايزين تنضفوا القصر الجمهوري هسي أصبحتوا من كركور لـ شجرة ..
◾️المنتصر ما بحتاج يصرخ كل يوم انو منتصر المنتصر فعله بيتكلم قبله وكمان بقى بتاع فوازير حقيقة وأمثال قال ليهم ( ابو فزع في البيت في الخلا ما بندق ) بالعكس يا حميرتي الخلا تبعك كله بقى بيوت فاضية وابو فزع ذاتو هـ ـرب من الخـ ـوف وانت عارف وين عاين دارفور دي اهلها الأصلين هل معاك ما ياهم خلوها ونزحوا معسكرات جاد والدبة ..
◾️والجميل في خطاب المعـ ـتوه حميرتي اسلوب الشك في قـ ـواته ونظرية التخـ ـوين قال ليهم ما تصورو الزول البصور دا طابور
يعني الغـ ـبي عارف قـ ـواته قاعد تصور الحقيقة وتثبت وتوثق الجـ ـريمة قدام الكاميرا بنفسها يا مليـ ـشاوي عمره ( دس المحافير ما بدس الشمس ) الشارع كله بقى مصور من فوق وانتو بقيتو المكشوفين..
◾️وتعال هنا من متين المليش’ياا تبعك الرسن ما عندهم من يومهم قـ ـتلة وشفشافة ورسنهم في يدهم لا يسمـ ـعوا كلامك انت لا اخوك الرمـ ـة داك بس ياهو يا حميرتي المثل دا بنطبق عليك
( ادي الحمـ ـار رسن براهو بوديك الخلا ) وفعلا الرسن في يدكم بس الحصان تاه والطريق ضاع ليكم وبقيتوا في التحلكم ..
◾️غايتو يا جنجا قال ليكم تلقونا قدام ياهو عايز يقـ ـطع طاريكم
المٌفتح فيكم يعرد الزول دا بكـ ـملكم جت …
لعـ ـنة الله على المليشياا ..
إرسال تعليق