بقلم / د. رناد أبو كشوة
أحيانًا يكون في ناس قاعدين قريب منك،
يضحكوا معاك،
ينصحوك،
ويمكن يقولوا إنهم بحبوك…
لكن الحقيقة إنهم بيدسّوا السم في العسل.
ما بيهاجموك مباشرة،
ينخروك بالبطيء.
يهزّوا ثقتك بنفسك،
يقللوا من إحساسك،
ويشككوك في قراراتك،
ويضربوك في أضعف نقطة عندك بهدوء وخبث.
ولما تواجههم؟
يتهموك بالوهم…
وبالمبالغة…
وبإنك “حاسّي زيادة”.
خليني أقول ليك حاجة واضحة:
الإحساس البتحسّه تجاه الناس ديل ما غلط.
ده في الغالب أصدق إحساس مرّ عليك.
الناس دي ما تتجادل معاهم،
وما تغيظهم،
وما تحاول تثبت ليهم حاجة.
الطريقة الوحيدة الصح للتعامل معاهم هي:
الإبعاد.
تجاهلهم.
خرّجهم من حياتك لو قدرت.
ولو كانوا من دائرة الأسرة،
قلّل الاحتكاك،
وما تسمع،
وما تفتح باب التأثير.
السلام النفسي ما أنانية،
والحماية ما قسوة.
أحيانًا أنضج قرار في حياتك
إنك تمشي بهدوء
وتسيب الناس البتستنزفك ورا ظهرك.
د.رناد أبوكشوة
إرسال تعليق