بقلم / د. تماضر الحسن
(طبيبة نفسية- كاتبة)
كل مره اتاكد اني فعلا (بلغت اشدي)
وبقيت ما زي زمان … كنت ما بسكت لزول ايا كان
اسي بقيت ما بتكلم مع زول ايا كان
مع الزمن بتتتاكد انه مافي شيء بضيع الزمن زي الناس
بضيعوا الزمن وبضيعوا الطاقة وبجهدوك في قصص مامنها فايدة …
في فترة كنت لو اتكلمت معاي بلئامة بعاين ليك وما برد
اسي وصلت مرحلة حتى راسي ذاته ما برفعه …
في سفرتي الاخيرة للدانمارك
من مطار نيوكاسل ركبت جنبي زولة انجليزية
الدنيا شكلها قافلاها معاها قفلة صاح
اول ما جيت قعدت اظنها قالت ايووووة
الحمدلله دي زولة انا الليلة (اضقل ) بيها شوية منها اقصر المسافة ومنها اطلع زهجي …
انا النوع الزي دا بعرفه من نظرات عينه …
اول ماقعدت عاينت لي بزهج شديد …
انا طلعت سماعتي وختيتها في اضاني وبسمع
والله باكر يا حليوة
لما اولادنا ا السمر
بهجة جد
مالي ومال الرز باللبن ومالي ومال الخيرقان
قامت المضيفة بدات موضوع السلامة الجوية البراي الببدوا بيه اي سفرية وزول بسمعه مافي
اللحظة ديك بيبا بتي اتصلت
ياداب رديت عليها
طوالي زولتك وقفت علي حيلها وبكواريك نادت المضيفة انها ماقادرة تسمع الكلام المهم دا لانو انا بتكلم في التلفون
المضيفة جاتني
وانا ببساطة قفلت المحادثة لانو كنت انتهيت من الكلام
والله ولا حتى عاينت ليها
طلعت مناكيري وعملت ضفوري
مسكينة تغلي كالمرجل
الطيارة لسه مااتحركت فتحت تلفوني ارسل رسالة مهمة لامي لموضوع ما ..
اسمع ليك الزئير
ختى تلفونك في وضع الطيران الطيارة دي حتبوظ لينا اذا انت لسه فاتحة تلفونك
وانا مدنقرة ومبتسمة كانه بسمع في سيفونية
يعني احنا نموت عشان انت ما حتقفلي تلفونك
وانا مواصلة كتابة
خلصت من الرسالة
قفلت التلفون ورجعت السماعة في اضاني
ومااشتغلت بيها
She can not talk in English
ما بتعرف انجليزي
سامعاها بتتكلم مع روحها
لما الطيارة اتحركت
المخلوقة التقول قاعدة في جمر
اول ما طوينا (الجو طي السحاب)
وقفت علي حيلي
لبست الكوت الماخمج وختيت حاجاتي في شنطة اليد الهي عرفت انا
مشترياها من وين من شدة الحرقة الفي وشها ..
يا بتنا ماذا يفعل الحاسد مع الرازق
وطلعت احلي ريحة من الما واتبخيت
ريحة كدة من الجنة
ناديت المضيفة
لما جات انا كنت واقغة قلت ليها
ممكن تحوليني كرسي تاني فاضي
قالت لي ليه
قلت ليها ما عندي احساس بالامان
Whaaaat
سامعة ليك الصرخة من وراي
والله حتى مااتلفت
المضيفة التانية
بفرنسية كدة زي التغريدة سالت زميلتها في شنو
استلمتها ليك بلسان فرنسي قويم اني حابة ازح من المكان الكعب دا وعايزة اعمل اب قريد لدرجة رجال اعمال اذا في حتة فاضية لانو انا ماقادرة علي (الجو) الهنا دا
امانة الخواجات ما بحبوا القروش زي عيونهم
شالني كدة في رموشهن الحلوات واتحركت معاهم خليت ليك زولتك االخواجية الحامضة
نارها قايدة
اول ما زحيت حبة اتلفت ليها وبابتسامة حلوة قلت ليها
باي باي
اتوتا ليغ
ومشبت
وهي ماتت في حتتها
فعلا الداير تهري اسكت خلي …
شكرا للمثل السوداني
فعلا مافي شكلة حتحصل الا اذا الاتنين اتشاكلوا
احسن دوا للزول العايز مشاكل انو تخليه يتشاكل مع روحه
اصله ما تخليه يتفشى يقعد كدة بس
تماضر
تمر الرضا
إرسال تعليق