بقلم / د.تماضر الحسن
(طبيبة نفسية، كاتبة)
كل ما اشوف البعمل فيه ترامب في العالم .
ماقاعدة استغرب فيه هو .. في النهاية هو بني ادم واحد
المخيف أن الاف الناس الشافو انو ترامب دا زول كويس ودعموه لحدي ماوصل للحتة البتخليه يعمل البعمل فيه دا …
يعني الزول دا زيه في عدد مهول من الناس احنا بس ما شايفنهم
يالا دا حال كتار جدا في السوشيال ميديا وفي الحياة الببرة
لما تشوف سلوكياتهم السيئة جدا. . تنمرهم واساءتهم للحولهم … والفاظهم الماكويسة وتشوف كميات الخلق الملمومة حولهم وبتصفق ليهم
وبتدفعهم للمزيد من الاجرام والسوء
تعرف انهم بس جبناء واشد سوءا من الزول المصدرنه للقدامهم باعتبار انو ماعندو شيء بخجل منه وما عندو شيء يخسره …
كل البتم تصديرهم ديل لمزيد من السوء بشتغلوا اكتر كل ما كان الحولهم مبسوطين منهم وبتحرشوا بسهولة لانو البعمل النوع دا من الاجرام اصلا ضعيف ومتهافت
في ناس محترفين للاساءات والاتهامات وشتم الخلق زي ما ظهر مؤخرا تجيب ليك نسوان يبكوا في بيوت البكاء او مجموعة تقيف في عرسك او تدفع لاي خدمة شخص ينوب عنك فيها
اخوانا المصريين بدفعوا لزول يعمل ليهم شكلة ويدق ليهم زول … دا بقى علينا اسي
عندك غبينة وزعل من شخص ولاعتبارات ماقادر تعمل ليه شيء .. بتدفع لزول يعمل كدة بدل عنك
القصة دي بقت موضة انك تدفع لزول اتشال الحياء منه و وما بخاف وممكن يقول اي ا كلام .. وعشان الداير ياذيك بخاف من المسؤولية القانونية وبخاف من الحوله يستنكروا الاسلوب حقه ممكن يدفعوا للجهات دي و(تنبز وتفضح وتسيء وتشهر)
بالناس
اي سلوك معيب .. الظاهر لينا دا قمة جبل ثلج
الاسوا ما يرقد تحت الماء …
تماضر
تمر الرضا
إرسال تعليق