بقلم/ د.تماضر الحسن
إختصاصي الأمراض النفسية
نعشق القصص والحكاوي
ونعتقد فيها كمان
نصنع ابطال من عندنا
حسن الشاطر
محمد اخو فاطنة
البعاتي … الغول
والخل الوفي
ارواحنا دايما معلقة بشيء في الغيب لا يحدث
بس في تشبث مضحك واصرار غريب
انتظار لشيء غير موجود
بنبني خطة كاملة علي (وهم) وتخيلات واماني
يا حلم الجعان
والمطبخ باني فيهو العنكبوت
مصيبتنا علي كل الاصعدة اننا بنستني شيء ما موجود وما حيحصل
والبنحلم بيه دا بنصر عليه حتى وان كذبه الواقع
وعشان ما نواجه الحقيقة بنهرب وبنتشنج وبنكاتل البقولها لينا
دي ماساتنا
ما بنشوف من (الغربال) بالرغم من قدوده الممكن تبلع قارة كاملة
دا ابتداء ا من البيوت انتهاء بحكوماتنا
عشان كدة اي شيء بفاجئنا حتى العارفنه والبحصل بصورة راتبة
ما بنستعد لاي شيء وما بنخطط لاي حاجة والبتجي من السما بتحملها الواطة
والواطة انتهت واتكسرت واترمدت وحالها وقف
بالرغم من جحافل الضلام البنكون شايفيين مقدمة جيشها
برضو بنقول لا ياخ حيروح بعد شوية وما بنكلف خاطرنا نولع شمعة
احسن لينا نصدق انو معمول لينا عمل ولا ادونا عين ولا حاسدننا بدل نقعد في بطن الواطة نشوف وين مشاكلنا ونحلها …
الحاصل قدامنا دا والمدنه قفانا دا مصيبة كبيرة وجدا واحنا متدسيين خلف شق تمرة وفي التمر تمرة ناشفة ومعطوبة
تماضر
تمر الرضا
إرسال تعليق